سوال: ڏَس وي گهڙيا ٽوٽي ٿيوين تين عزت ڪٿون اي پاتي
جنهان سوهڻيان ڪيتي سڪي جڳ سارا او امدن چيل تي چاتي
چوڙي والي ٻانهن پياري کڙي ڳل تيڏي ڪون لاتي
سڻ هڻ بخت جواب گهڙي دا ول پانوين دل وچ جهاتي.
-------------------------------------
جواب : گهڙي آکيا آسڻ تون بنده ميڏيين دردين ديان گفتاران
ڪر جدا ميڏي مٽي ڪون ٻھ ڪُٽيا خوب ڪنڀاران
هم ڌوڙ توڙين ول ڌوڙ ڪيتوني جيوين هوندين فنا ديان ڪاران
هستي تروڙ ڪي چڪڙ ٿيم آ جهليم پيرين ديان ماران
گهن لذت ڪنڀار دي قدمين دي چڙھ چڪ تي شڪر گذاران
ول وچ آوي دي سڙ ڀُڄ ڪي جهل آتش ٿيا تيار آن.
گم هئي قيمت سڀ اون ويلهي جڏان پرک ديان ٿيان پَچاران
ڏيکان قبول ٿيندا يا ڪوئينا هَن دل وچ اي تاران
آ ٽَڪا مُل ڪيتوني ميڏا وڃ وڪيم وچ بازاران
پايا رسه ڳل ميڏي ڪون سهڻيان وچ کوه دي پيا پُڪاران
کا غوطي بحر عميق والي جهل ٺوڪر نڪتا پار آن
هڪ لحظه چڙھ ڪي سَير ڪيتم تيڏي نڪتي ويڻ هزاران
ايوين پهلي بخت اُٺا تون صدمين پڇين ڏيوين آن مياران.
------------------------
فقير بخت علي بخت سائين رحه
